BB Day 2

BB出世第二天，心情很是興奮，昨晚也訓得著。

醫院每天只有三次得半個鐘隔住窗睇BB的時間。每次隔住窗望都只係見BB訓到死豬咁。只有晚上有半個鐘頭係親子時間，我終於可以親手抱下自己個囡囡。以前點都唔會抱人地的BB，驚整親佢地。但係自己個B就冇得逃避啦。抱上手時十分緊張，成個機械人咁。但係感覺好特別，抱住個B係自己個親生女，難以形容，好想佢係我的懷抱中係有安全感，好想快D同佢玩，好想佢快D識行識走，好想好想..... =>思想混亂中。希望自己能快些適應自己的身份改變。

在此多謝抽空來探我們的家人朋友，排名不分先後: 我屋企人啦，老婆屋企人啦，Lewis一家，Mei, Shirley & 偉，Howard一家，Yoko & 祖，Kimmy一家，Osan & CH，Ah Liu, Loretta & Kevin, Rita & Anthony, Maggie, 謝謝!!

未諗到名......

去 BB Day 3

去 睇BB相

BB Day 1: 出世啦!

出世啦! 我同老婆的BB囡終於係今日出世啦!!

擒晚零晨兩點幾老婆開始肚痛，但係唔痛得係太犀利，所以繼續訓，到朝早七點幾，老婆開始每十五分鐘痛一次，咁佢就即刻沖涼，然後七點五十分駕車去醫院。係車到老婆已每五分鐘痛一次。八點三左右到達，老婆自己落車辦手續，我就去泊車。泊完車上去老婆已經入左待產室，醫生仲未到，姑娘話已開左五度，隨時生得，個陣時約八點三十分，好緊張。姑娘叫我將隨行東西放上去病房。我把東西放完上房返落黎時老婆已入左去產房，開左八度，已經痛到飛起(我老婆)。醫生終於到左。

"吸氣，呼氣，吸氣，呼氣"

醫生問我睇唔睇下，我就望了一下，見到囡囡個天靈蓋預備血淋淋的走出來。

"係啦，大力D，用力，爭少少，再大力D..."

就係咁，呱呱~呱呱~，BB就咇左出來。母女平安，感謝神!

"恭喜哂，恭喜哂!" 眼裡泛著淚光。.

"爸爸過來剪臍帶啦"

我就手震震的拿著鉸剪剪落去。我問姑娘BB會唔會痛架? 姑娘話唔會。剪落去的感覺就好似剪一條粗的橡根。一刀剪唔斷，再剪，心都寒。最後三剪完成。

最後BB打腳印仔，影全家褔!

BB比預產期早了一個星期出世，多謝老婆，辛苦哂!

要開始諗名啦!!

去 BB Day 2

去 睇BB相

半年失蹤之迷

已六個月冇執筆了，有點不知所措。原因實在有好幾個，關乎個人及工作呢。先說工作，到今年十月，我在Prudential已是整整十個年頭了，而亦是我個人的一個大轉淚點----BB出世!! 所以在這半年裡是我的一個思想迷茫期。

十年了，回顧過去在工作上必然有得有失，亦開始領悟到一些在商業社會中的利益關係，並非人們口中的偉大團隊精神。從前是一個熱心幫助人的小伙子，現在可是在心中會計算的無奈人。"或有一天，當你大了，城府，開始深了"，是陳奕迅最近的一首歌"Crying In The Party”中的歌詞，在收音機聽到後有一點點的認同，無奈! 工作範籌是能夠handle，只是要在工作中的環境作相應調整吧!!

至於個人方面，今年股市特別暢旺，我卻沒有去買賣股票。反而自上年開始學習衍生工具的運作。因此在這半年的"工餘時間"全情投入衍生工具的鑽研。晚晚走去睇圖表，上網搵資料等，所以分了心沒有update我的blog，真的不好意思。現已掌握了一點點，所以能安排好時間再續未了blog。

另外，BB的預產期是十月六日。當知道太太懷孕時，好想立刻blog中喜訴大家。但老婆唔俾。想講近況又唔講得就黎做老豆的心情，搞到我係個blog到唔知寫咩好， 又心情唔好。所以就索性乜都唔寫，咪攪到半年失蹤左羅。依家BB就出世，可以寫得，心情又好番D，就寫返夠本了。因此請各位繼續支持click多d。唔講啦，訓覺，唔係BB出世冇得訓。待BB出世後俾相大家睇啦!!

去 我的近況