15 種 小 兒 不 宜 服 用 的 傷 風 咳 藥 成 份
功 用 ： 抗 組 織 胺 類 （ 收 鼻 水 、 止 噴 嚏 、 防 敏 感 ）
成 份 ： diphenhydramine 、 chlorphenamine 、 bromopheniramine 、 promethazine 、 triprolidine 、 doxylamine
功 用 ： 止 咳 類
成 份 ： dextromethorphan 、 pholcodine
功 用 ： 化 痰 類
成 份 ： guaifenesin 、 ipecacuanha
功 用 ： 通 鼻 塞 類
成 份 ： pseudoephedrine 、 ephedrine 、 phenylephrine 、 oxymetazoline 、 xylometazoline
資 料 來 源 ： 英 國 藥 物 及 保 健 產 品 管 理 局，蘋 果 日 報 (20090302)
本 港 市 面 有 售 的 小 兒 不 宜 藥 物
產 品 ： 潘 氏 （ 美 國 ） 諾 得 治 系 列 特 效 止 咳 素 含 小 兒 不 宜 服 用
成 份 ： chlorphenamine 及 guaifenesin
產 品 ： 珮 夫 人 小 兒 咳 露 含 小 兒 不 宜 服 用
成 份 ： chlorphenamine 及 guaifenesin
產 品 ： 寶 寶 兒 童 傷 風 素 含 小 兒 不 宜 服 用
成 份 ： bromopheniramine 及 phenylephrine
產 品 ： 樂 信 小 兒 止 咳 露 含 小 兒 不 宜 服 用
成 份 ： chlorphenamine
產 品 ： 樂 必 治 化 痰 止 咳 水 含 小 兒 不 宜 服 用
成 份 ： guaifenesin
產 品 ： BABY COUGH含 小 兒 不 宜 服 用
成 份 ： chlorphenamine with Antihistamine
產 品 ： COLDCAP-A含 小 兒 不 宜 服 用
成 份 ： phenylephrine
產 品 ： COLDTAB-2含 小 兒 不 宜 服 用
成 份 ： phenylephrine
產 品 ： DIMETA-2含 小 兒 不 宜 服 用
成 份 ： phenylephrine 、 bromopheniramine 及 guaifenesin
產 品 ： GUFENSIN含 小 兒 不 宜 服 用
成 份 ： guaifenesin
註 ： 全 部 包 裝 列 明 兩 歲 以 上 可 服 用 資 料 來 源 ： 香 港 醫 院 藥 劑 師 學 會 及 包 裝 內 容，蘋 果 日 報 (20090302)
Julian Robertson係著名嘅老虎基金創辦人，於1980年以880萬美元起家，到1998年老虎基金管理嘅總資產達230億美元，增幅超過二千六百倍！佢嘅揀股法值得學習：
一、該公司邊際利潤應較同業好（同一行業中只選最高邊際利潤嘅公司投資）。
二、低負債率。
三、P/E較同業高。P/E較同業高嘅公司通常都係該行業領袖股。
四、PEG較同業低。雖然P/E較同業高，因增長率高，因此PEG反較同業低。
五、去年有正回報率，估計明年亦有正回報率，即唔好買蝕本嘅公司。
六、唔買能源股、公用股及金融股。
雖然你唔係「老虎」管理層教出嚟嘅投資者，但一樣可以做「老虎仔」！
信報-投資者日記20081229
其實每個人內心深處都有一根火柴（或叫心魔）而不自知。七十年代我老曹打工嗰間投資公司，當年生意已做得很大，但老闆唔知為乜嘢，忽然跑去美國遊埠而唔理公司死活，剛好遇上1973年3月股災，結果公司嘅投資一敗塗地。過去幾十年，亦眼見唔少朋友曾擁有幸福家庭，但丈夫忽然狂賭或結識另一異性，搞到翻天覆地。去年唔少上市公司高層忽然玩起Accumulator，累到今年公司損失慘重。人好多時就係咁非理性、頑固不冥、思想狹隘。當年我老曹仲細，為咗同爺爺鬥氣（今天已忘記鬥乜嘢氣），居然想一把火燒掉佢辛苦建成嘅房子。今天我老曹時常提點自己──千萬不要燃着心中嗰根火柴（心魔），因為佢可以毀掉你一生所有。千萬不要因一時衝動而做出一生悔恨嘅事。
信報-投資者日記20081129
學習反向思維、學習財務分析。我老曹從來唔信「畫畫吓」就可以發達；我老曹唔否定走勢分析嘅用途，但切勿將走勢講到天下無敵。世界上冇一個有錢佬係靠睇走勢發達嘅（賣走勢分析搵錢者就大把）。一如投機同投資，一般人以為揸長線就係投資、短線就係投機，觀念上完全錯誤。揸長線可以係投機（例如去年10月到今年10月），揸短線亦可以係投資（如方向正確）。投機係指喺投資之前唔做功課；如事前做足功課，响十拿九穩情況下才出擊就係投資。唔做功課，無論揸長線或短線都係投機；反之，去年11月拋空亦可以係投資，理由係拋空前已做足功課，才決定做一隻醒目嘅熊。我老曹最憎讀者問攞冧巴（自己唔做功課，如果咁都可以賺到錢真係天冇眼，蝕本則係應該。股票市場85％係輸家，咁唔小心謹慎嘅投資者又點會係贏家？）。一般人喜歡聽「誤導分析」，例如蝕本就長揸、遲早升番，而唔喜歡聽真實說話──例如止蝕唔止賺。另一句誤導係「明天會更好」！1974年7月我老曹入市後，等咗一百八十天才發現「明天將更差」！任何虧損一旦達15％便立即止蝕，No question asked！從前沙田有塊石叫望夫石，她的丈夫出海捕魚可能浸死咗，但她天天仍上山望夫歸，最後變成石頭丈夫仍不歸。作為愛情故事係好動人，作為投資者則好戇居。
信報-投資者日記20081129
經歷過1974年熊市打擊後，我老曹同妻子有一個協議：就係每月生活開支不得超過每月薪金收入。大部分人日常生活所需其實唔多，但欲望則無窮。三十三年過去，我老曹一直嚴守呢個規定，即家庭開支只可來自薪金收入，投資回報則留作「不時之需」，因為呢方面收入來源太唔穩定。上述規定限制咗我老曹嘅個人欲望，而令家庭一直過住好簡單嘅生活──既無華衣美服，亦無豪華房車，甚至出國旅行亦好少。有時諗番：有幾多人將生活所需與個人欲望混淆不清？例如美食唔一定係鵝肝、魚子醬，好多時餐蛋公仔麵亦好美味，尤其係肚餓之時。有朋友曾請飲過價值數萬元一枝紅酒，老實講，我老曹唔識貴在哪裏?!亦坐過朋友過百萬元嘅保持捷跑車，但我老曹仲係喜歡坐的士，因為夠方便。生平最怕上朋友嘅遊艇，因我老曹唔愛水上運動，上咗船都唔知做乜好。
信報-投資者日記20081115
右手賺錢左手make money
我老曹認為二十五歲前應努力學習，包括讀書及投資技巧。二十五歲到五十五歲係黃金三十年，右手應努力賺錢，左手應努力make money。唔少人只懂運用右手賺錢，例如由月入1萬餘元到10萬元。由於唔識同時用左手make money，喺面對退休之年，手上所剩下財富唔夠自己過舒適退休生活。過去四十多年，香港經濟高速成長，每年令資本增值15％並不苛求；即1967年1萬元到去年變成267萬元；成績好一D年增長率達20％，即1萬元投資到去年可變成1224萬元。成績更好亦大有人在。
如你同時係運用左手高手，年紀漸大後、一般亦開始進入charity生涯。charity唔係一次性捐款行為，而係協助某機構達致某D目標，例如協助非牟利機構，為社會提供服務及減少貧窮因素。當然救急扶危亦重要，例如四川地震之後救援工作或中國雪災之後支援；不過，真正改變貧窮唔係呢D工作，而係向人投資，包括提供技術、制度、醫療及教育援助，從基本層面上改變導致貧窮因素，呢D先係charity。至於救急扶危只係一項施捨，冇長久意義；例如捐助100元畀慈善機構去買D月餅送畀老人亦係好事，但基本上你冇改變乜嘢。今年8月微軟主席蓋茨捐助500萬美元畀Techno Serve為發展中國家企業提供設備去創造就業機會，就更加有意義。另一機構叫做Bridgespan，嚟自Bain & Co顧問公司分支，佢唔係協助慈善機構而係追查慈善機構金錢用途，包括overhead方面開支。例如有D慈善機構話營運開支只佔總捐款13％至22％，調查後卻發現佔總捐款17％至35％。透過佢地追查，捐款者知道邊D慈善機構喺運用善款方面最有效率，邊D營運開支佔捐款比重太大。調查亦發現，連續性每年唔受限制用途捐款，較一次性大筆捐款能產生更大效益。慈善機構依賴較多人捐較低數字銀碼，較依賴一、兩個知名人士大筆捐善款來源更可靠。今年已有唔少大人物削減捐款數字；反之，普通人每月捐款卻冇減少。
作為普通人，成立自己慈善機構並唔容易（因財力及物力太小），最好係加入已成立並有良好業績機構。唔使一次過大筆捐款，而係持續性（例如每月數百元）捐款，咁樣做對呢個機構幫助最大。
五十五歲或以上嘅人，右手工作遲早要停低，左手則應繼續make money。亦係應該開始charity日子，利用charity取代打工賺錢，可以令人好忙而不知老之將致。自私D講，從事charity乃令自己心境保持青春及愉快不二良方，正係多有多做、少有少做。找一間慈善機構理念同你相近者，作為恒久捐助者。可以係每月一百幾十，保證令你身心愉快。例如資助貧窮小孩上學去，每當收到佢地成績表之時，已可令你快樂一整天。
請好好運用你嘅右手，從過去搵錢打工轉為慈善事業，以免右手因少勞動而變得不靈巧。
信報-投資者日記20081115
主題： 新的犯罪手法
我收到一封 Email, 我和女兒討論，試探她是否會中招。
我只說在回家路上看到一個小女孩在哭，很可憐…她跟媽咪一起逛街…迷路了… 頸子上掛著一個名牌…有地址，哭著哀求你帶她回家，你會否帶她回家？
我女兒答：如果在附近的就會。 慘！！！
我的女兒也中招了 因此希望大家轉貼出去, 等多Ｄ人睇到, 感謝！
內容如下.... 今天聽我老婆講的一個新的犯罪手法， 事情是發生在他們一個女同事的身上。
那位小姐下班後，在回家路上看到一個小孩子在哭，很可憐…就過去偕小女孩怎麼了？ 小女孩就跟那個小姐說，跟媽咪一起逛街…迷路了…哀求帶她回家可以嗎？然後指頸子上掛著一個名牌，哭說那是他家地址..... 這位小姐不疑她有詐的，就牽著小孩子的小手一起回去。 這是一般人都有的同情心..... 找到那個小女孩的家以後，她按門鈴，門鈴像是有高壓電般?
瞬間失去了知覺..... 待醒來之後就發現.........自己被全身脫光光的在山上一間空屋工寮裡面...... 屋裡連件可敝體的衣服都沒有， 地上卻滿佈著......自己被扒光衣服後各種不堪入目的裸體照！ 可憐的是.....自己卻連犯人長得啥樣子都沒看見....... 所以現在歹徒犯案都是利用同情心。
下次萬一遇到這種事，千萬別就這樣傻傻的帶他回去， 就帶他到警察局去就好了，走丟小孩的放到警察局一定沒錯， 警察叔叔還會買玩具買麥當勞給他呀~~~~~~!
流傳的訊息：請大家 ： 請通知你的女兒，老婆，和身邊所有女性朋友。
蔡妙虹Miu 社會工作員
基督教香港信義會
北區青少年綜合服務中心
新界上水彩園村 彩麗樓101-116號地下
電話：2673 2120 傳真： 2673 2158
另類解讀金融名詞
今年股市都幾悶，唯有苦中作樂。何謂「基礎分析」？其實係分析員用盡方法去解釋個市點解唔會跌，但個市仍然係咁跌。
機構投資者：就係响跌市中仍大手拋售嘅人，我地叫佢地做機構投資者。
衍生產品：就係你唔識，但係就可以令你輸錢嘅工具。
Market report：係大經紀行向客戶解釋點解你會輸錢嘅報告。
財務管理：輸咗錢後，三個月先至話你知。
P/E：係用舊年純利幾吸引去呃你入局，然後明年純利大跌，P/E大升。
止蝕沽盤：通常都唔記得做嘅事。
技術分析員：講就頭頭是道、做就損失慘重嘅人。
股神：只响牛市出現、熊市消失嘅人。
上升軌：通常响「過去」走勢中先至搵到嘅趨勢。
對沖：自己都唔知應該睇好、睇淡嗰陣；同時沽出嗰隻已升股，買入隻日後大跌股嘅行為。
專家：累你輸錢後，仍有好多理由解釋嘅人。
相反理論：即係我唔同意你嘅睇法，又唔知點駁你嗰陣嘅借口。
信報-投資者日記20080911
.jpg)
