BB兩個月大啦!!

BB好快就兩個月大呀!! 好開心! 呢兩個月BB變化得好多，開始識玩口水啦，啜手指啦，詐喊啦，仲好似識笑出聲添，真係好開心! 希望BB除了日日便便日日大之外，真係要健健康康，咁就放心哂!

另外今日去了健康院打四合一針，同佢磅重有9.1磅，係細碼B，似媽咪，冇計。好在仲係生長線上，醫生話冇問題，食得訓得，就得。姑娘同佢打針時真係冇眼睇，正所謂痛在B身，痛在我心。但係亞女好叻，俾人吉了一下喊兩聲，嘩，嘩，就冇喊啦，繼續訓，死未。姑娘話打針後會可能發燒，所以今晚都要打醒十三分精神。好彩到依家佢都冇燒。希望唔會發燒啦!

呢兩個月見老婆好辛苦咁照顧BB，真係多謝佢，辛苦哂!


去 睇BB相

去 我的近況