曹仁超教點樣保持青春

點樣保持青春 ?

1. 少吃經處理過食物 , 例如罐頭或醃菜 、鹹魚、火腿等呢類食物唔係鹽太多就係糖太多。
2. 每天吃五至十種蔬果及唔好飲果汁 (因糖分太高) , 最好每天吃D洋蔥。
3. 唔好吃Omega-6油類 (例如薯片、焗蛋糕、人造牛油或任何經高溫處理嘅油) , 改吃Omega-3油 (通常存响於魚、雞蛋及橄欖油之中) , 其中又以第一次橄欖油 (extra-virgin olive oil) 最好 。雞蛋每天唔好吃太多 , 亦唔好唔吃 , 每天一隻就最好。
4. 盡量少吃糖及代糖。糖不但無益 , 而且加速腦衰退 : 養成無糖生活習性 (除咗蜜糖) , 尤其係代糖更加無益。
5. 吃優質碳水化合物 , 因為三脂柑油酸飽和量低 , 例如椰菜花、萵苣、洋蔥、紅蘿蔔等。最好以上述植物代替每天其中一餐 (例如早餐) , 同時減少吃麵包及米飯。
6. 喝未經發酵嘅荼 , 每天最少兩杯 (可以係綠茶 , 但飲中國茶證明更好) , 例如香片、龍井、玫瑰茶等 。經發酵嘅紅茶一樣有效 , 因為含較低氟化物 , 功效差D。大部分長命百歲嘅習慣。
7. 唔好用銀粉補牙 , 改用磁粉 , 因為銀粉含水銀 , 會傷害你嘅神經及腦細胞。
8. 唔好長期處於壓力下 , 每天必須八小時睡眠。睡眠充足係另一防止衰老嘅良方 , 如無法避免壓力 , 响嗰段日子多D吸收魚肝油 (例如食魚油丸對抗精神壓力) 。
9. 唔好讓自己陷入情緒低潮 , 凡事向好一面睇 , 如諗唔通便唔去諗。阿媽教落 , 天大嘅事每晚十二點之前要想通 , 如果晚上十二時前仲諗唔通便唔再去想 , 以免影響睡眠 (留番明天才諗) 。
10. 每星期讓自己少吃一餐。好多宗教都有齋戒儀式 , 原來對身體十分好。最佳建議係每星期少吃一餐 , 咁做身體會動用貯藏下來嘅養份去修補器官上嘅微損傷 ; 如每星期有一天讓身體自己去修補器官上嘅微損傷 自然活得更好。
    
    上述十大健康要訣 , 要做到並唔難。我老曹希望所有讀者八十歲時仍身體健康。

摘錄於信報曹仁超日記20071012(好似)

去 生活健康資訊