面對高P/E的投資法

面對高P/E (恆生指數平均P/E早已喺二十二倍或以上) , 傳統做法係適量地減持。大戶嘅做法係長短棍 , 即優質股揸長(Long) , 同時利用拋空低質股(Short)做保障 , 同一時間做好倉及淡倉。理由係升市中優質股升得多 , 低質股升得少 , 跌市時優質股跌得少 , 低質股跌得多。利用[長短棍] , 便唔使擔心股市大波動。但一般散戶由於資金少 , 好難做長短棍。隨著衍生工具流行 , 另一方法係股市大升後(例如8月17日恆指19386點上升至10月18日嘅30025點), 便將大部份股份拋售 , 再用其中10%資金買衍生工具 , 利用衍生工具嘅槓桿效應 (例如一比十)。如大市進一步上升 , 衍生工具升幅完全可抵銷賣出股份嘅升幅 ; 反之 , 如出現跌市 , 衍生工具下跌 , 但只係將股票賺得嘅部分利潤輸掉 (因大部分股份早已獲利回吐)。

信報投資者日記20071022

去 財經金融資訊